Info vijitadus
Segonda Fiera dla Furmazion de Südtirol FUTURUM 09
Fiera de Bulsan
Ntreda debant
da n Juebia, 10 de dezëmber a n dumënia, 13 de dezëmber 2009,
09:00 – 18:00
Program de njonta tl zënter di cungresc Sheraton:
juebia, ai 10 de dezëmber y venërdi, ai 11 de dezëmber 2009 dala 9.00 – 20.00
sada, ai 12 de dezëmber 9.00-12.00
FUTURUM 2009 pieta per la persones de uni età n cheder generel dla truepa pusciblteies de furmazion te Südtirol y oradecà.
FUTURUM 2009 à dantaldut n carater nfurmatif y urientatif.
FUTURUM 2009 uel sensibilisé duta la populazion de Südtirol y chi che vën da oradecà n cont dl valor particuler dla istruzion y furmazion dla te nosta sozietà y gëura la ududa sun na ufierta de istruzion y furmazion che ne ie nia limiteda al ciamp dla scola, ma che tòl ite duta la vita (mparé duta la vita).
La Fiera dla Furmazion ie adresseda a duta la trëi grupes linguistiches (ladina, tudëscia, taliana,) te Südtirol. La persones adressedes ie dantaldut:
- Sculeies y sculées dla scola mesana, auta y prufescionela
- Studënc y studëntes universiteres
- Genitores
- Nseniantes y nsenianc, maestres y maestri, educatëures
- Tutores te firmes y mòstri y mòstres
- Dependëntes y dependënc
- mprenditëures
- Persones adultes nteressedes
D'autri fins:
- Nfurmé sun la pusciblteies dla carieres istrutives y furmatives defrëntes (p.e. la cariera per deventé dutores, architec y architetes, mecanicheri y mecanicheres, nsenianc y nseniantes y nsci inant) y les prejenté te na maniera tlera;
- Dé n cheder dla sortes de scoles defrëntes y prejenté si carateristiches y cuntenuc de basa dajan nce nfurmazions n cont dla lueges dla scoles;
- Purté dant la pusciblteies defrëntes de stude, prejenté l' Universiteies, l' Academies y i Istituc auc prufesciunei y tecnics te Südtirol y oradecà;
- Mustré su carieres de istruzion tl ciamp dla furmazion y dl ajurnamënt dla persones adultes y la pusciblteies liedes limpea: "troies de istruzion y furmazion nueves y mparé duta la vita";
- Mustré su l liam strënt danter istruzion y furmazion y l marcià dl lëur y l'economia;
- Nfurmé n cont di bujëns dl marcià dl lëur y n cont dla tendënzes dl'economia te Südtirol
Urganisazion:
Repartizion Promozion dl stude, Università y Nrescida, Provinzia autonoma de Bulsan
La Fiera dla Furmazion ie sot al patrozine dla Jonta provinziela y vën urganiseda dai Departimënc cumpetënc per l'Istruzion y la furmazion, per la Cultura, per l Lëur y la promozion dl stude, dala urganisazions de partneriariat soziel y dal'assoziazions economiches.
Cunzet Fiera dla furmazion: » PDF (43.1 KB)