Parores de salüt dl Presidënt dla Provinzia dot. Luis Durnwalder
Ara à dè de bugn resultać – la fiera dla Formazion de Südtirol „FUTURUM“. La pröma ediziun dl 2007 nes à mostrè che tröc damana do inFormazions sön la Formazion te Südtirol, sön les poscibilitês de istruziun, Formazion y perfezionamënt y che tröc ô instësc se chirì fora la proposta plü adatada.
Al govern provinzial de Südtirol, sciöch’inće ai educadus y ales educadësses, al personal insegnant, al personal insegnant di gragn y ai professurs y ales professuries dl’université ti stal a cör da cherié n sistem educatif de istruziun y Formazion che ademplësces les ghiranzes d’aldedaincö.
La Formazion é dër importanta por le dagnì de nosta provinzia, deache tl dagnì vara pö dantadöt de investì tl savëi de nosta jënt. Südtirol é na provinzia che à bele a desposiziun dër de bones infrastrotöres, mo śëgn messunse jì inant cun le svilup a n ater livel.
„Futurum 09“ ô dè na vijiun globala dl’oferta de Formazion te döt Südtirol y tles vijinanzes. Sön chësta fiera po les scolares y i scolars y sü geniturs, y inće i gragn, s’informè avisa.
I ti aôdi n gran suzès a „Futurum 09“, y i speri che la fiera dla Formazion dëides les scolares y i scolars chirì fora danter les ofertes de Formazion y motivëies i gragn da imparè por döta la vita.
Dr. Luis Durnwalder
Presidënt dla Provinzia Autonoma de Bulsan - Südtirol