Info anutazions
Vester leprò cun n stont pra FUTURUM 2009 uel dì:
- se giaurì la porta al mond dla istruzion y furmazion te Südtirol y oradecà
- ti prejenté Vosc prudoc y servijes a tlienc y partner puscibli
- se giaurì a cuntac nueves
- se lascé udëi sun l marcià de nosta provinzia
La mira de chësta manifestazion ie de pité n cheder generel dla pusciblteies de istruzion y furmazion te Südtirol dala scolines nchin tl'Universiteies y ala ufiertes de furmazion permanënta tulan n cunscidrazion nce ufiertes tl raion dl' istruzion y furmazion de scumenciadiva privata.
Nce l'assoziazions dl'economia y dl cumerz tulerà pert ativamënter, acioche i/la vijitadëures posse se fé n cheder pusciblmënter cuncret dl marcià dl lëur y dl mond economich.
Chësta Fiera ie adresseda a sculeies y sculées, studënc y studëntes, genitores, personal nseniant, mprenditëures y persones adultes nteressedes.
Per nrichì l program y la ufierta de nosta Fiera nes fajëssel scialdi plajëi sce nce Vo tulessais pert a chësta scumenciadiva.
L ie saurì fé pea! Tres chësc link ruvëis pra l formular cun la dumanda de partezipazion y pra l folder dla Fiera che cuntën duta la nfurmazions n cont dla spëises y dla cundizions per tò pert ala Fiera. Tlo udëis nce la cumpëides de vijitadëures y i livei de suzes dla prima edizion. Per giaté n preventif debant Ve perions bel de scrì ora la dumanda de partezipazion y de la dé ite nchin al plu tert ai 30 de setëmber 2009 (ultim terminn de iscrizion) tres fax ala Fiera de Bulsan (fax: +39 0471 516111).
Nosta culaburadëures nciariedes dla urganisazion dla Fiera dla Furmazion ie for gën a Vosta despusizion per uni sort d'autra nfurmazion:
La culaboradëura cumpetënta per nluegé i stonc y resservé la sperses de mostra pra la Fiera de Bulsan ie:
Dr. a Celine Faini
Fiera Bulsan SpA
Tel: +39-0471-516016
E-mail: faini@fierabolzano.it
Nciarieda respunsabla dla Provinzia per la coordinazion y la urganisazion dla Fiera dla Furmazion:
Dr.a Irene Pancheri
Repartizion Promozion dl stude, Università y Nrescida
Tel: +39-0471-412958
E-mail: irene.pancheri@provinz.bz.it
Se ncunferton sun Vosta partezipazion!